Paradisu Hontan
(Julen Zulaika)
Aurrerapenaren gose
gose ta egarritan
ba al zatozte bai hoixe
neoizko argien karrikan
Etiketadun ametsak
irrifar margotuetan
kontrabandista traketsak
zahartu ginenak umetan
Klonatu ziren pausoak
lurrin berrien usaian
kaletutako usoak
behe lainozko paisaian
presaren presa koldarrak
ihesi goaz hain urrun
iristen beti azkarrak
gero ze egin ez dakigu
Lehenengo mundua deitzen
zaion paradisu hontan
zoriontasuna saltzen
ezer erostekotan
atseden hartzen dugunak
rutinaren magalean
bizitzaren alargunak
mundu birtualean
Hego haizea hotz dator
neguko arratsaldetan
ez al da oroitu inor
ahaztu dugunaz mendetan
historiaren bidean
gurpil zoro baten gisan
segi beharraren legean
ezin geratzerik izan.
Zoriona saltzen
Paradisu hontan
Lehen-mundua den
Paradisu hontan
