雪梅思君(二)

七月算來日頭燒　看見後庭樹落葉
雪梅堅心像鐵石　守清節無動搖
日日思君開聲叫　夜夜夢中看會著
名聲第一愛保惜　不願給閒人來恥笑
八月算來是中秋　人人賞月心清幽
雪梅目屎條目睭　怨舊恨嘆新愁
站在窗前對月娘　誠心誠意來懇求
千辛萬苦願接受　給子兒將來有成就

九月算來是重陽　拜祭亡夫情意重
一拜想起君面容　心又酸斷肝腸
這世甲君命相沖　恨天怨地啥路用
雪梅對君來參詳　望後世會通結成雙
十月算來秋風寒　為子補衫穿針線
窗外鴻雁雙做伴　引起人心空彈
鴛鴦已經來拆散　不願擱來嘆孤單
看子一年一年大　怎拖磨心也真快活

十一月算來是冬節　手來搓圓心怨嗟
自嘆孤單子又細　目屎又滴落地
對子句句講訓話　勸伊認真來讀冊
管伊透風落霜雪　有立志成功無問題
十二月算來過年關　柴空米盡心焦煩
遵守婦道心沒亂　忍寒餓也甘願
雪梅心內有打算　教子做人要正端
為非做歹萬人怨　做好事名聲萬世傳